شمسولوجي - منتدي طلبة طب عين شمس
السلام عليكم

نورتنا يا ....

لو هتتصفح المنتدي كزائر .. توجة للقسم اللي انت عايزة من المنتدي ...

للتسجيل .. اتفضل افعص علي زرار التسجيل ..

تمهيدا للأناتومي

استعرض الموضوع السابق استعرض الموضوع التالي اذهب الى الأسفل

تمهيدا للأناتومي

مُساهمة من طرف . . UTHAMA . . في الثلاثاء يوليو 13, 2010 5:14 pm


بسم الله الرحمن الرحيم - اولا -

اهلا بكل زمايلنا
الجداد في سنه اولي

-هاتكلم عن اولي بس-

هنتكلم عن الاناتومي
مجرد توضويح بس للمادة وفروعها وبندرس فيها ايه


الاناتومي او التشريح

بندرسها في اول وتانية -زي كل المواد
من فسيولوجي وبيو وهستولوجي-


من اجمل المواد اللي هتقابلكو وهتحبوها

هتدرسو في سنة اولي
introduction
general embryology
some of special
embryology-developement of c.v.s & limbs

upper limb
lower limb
thorax

والباقي في تانية

بتبدو التشريح في اول السنة خالص بحاجه
اسمها

introduction
ده عباره عن مقدمة للتشريح كلة
بيديكو فكره عامة عن التشريح
وان فيه نوعين : -regional
-systemic
النوع الاول زي upeer & lower limbs و thorax
والنوع التاني زي nervous & c.v.s

والمقدمة دي بتتكلم عن الجسم بيتكون من
ايه ببساطه

عظام متصل بيها عضلات بيغطي العضلات دي جلد او حاجة اسمها
fascia

والاماكن بين اتصال العظام بنسميها مفاصل joints والعضلات
هي المسؤوله عن الحركة طبعا


وموجود بين العظام والعضلات دي - داخل
الجسم يعني - الاعضاء والاجهزة -

من جهاز عصبي وهضمي وتناسلي ........ وغيرهم

فكرة ببساطة :
العظام هتدرسوها من حيث الوظيفة والنوع والتركيب
يعني من حيث الوظيفة مثلا هتلاقو ان العظام هي اللي بتكون
هيكل الجسم وتدعمه وتحمي الاعضاء والاجهزة الداخلية -زي الجمجمة مثلا بتحمي
المخ-

وكمان العظام هي مواضع اتصال العضلات
ونخاع العظم هو اللي بينتج كل خلايا الدم

والنوع والتركيب هتدرسوهم برضة



والعضلات من حيث النوع ومكان الاتصال
بتاعها وشكل الاتصال


والمفاصل من حيث النوع اللي بيحدده
الحركات اللي بيقوم بيها المفصل ده

يعني مفصل الكتف غير مفصل الركبة وهكذا



نيجي بقي للامبريولوجي embryology
ده علم الاجنة

هتدرسو فيه من اول مايتم تكوين
البويضات والحيوانات المنوية لغاية مايتكون الجنين ولغاية الولادة

بس ده general هتدرسو بس تكوين الجنين بشكل عام اما الاجهزة
هتدرسو ازاي بتتكون في تانية

وفي حاجات كتير جدا من الاحياء -بتاعت ثانوي - هتلاقوها في
الامبريولوجي ده


وعلشان بندرس - cardio-vascular system
- في الفسيولوجي فهندرس ازاي بيتكون في الامبريولوجي وكمان علشان هندرس
الاطراف - ايد ورجل - هندرس ازاي بيتكونو



نيجي للطرفان العلويان upper limb
اللي هي الايدي
هتحسو بقي من هنا انكو بداتو تفهمو تشريح بجد
واللي هياكدلكو ان ال introduction ده تافه جدا عباره عن
شوية معلومات بسيطه

الشابتر ده لذيذ - الاناتومي كله لذيذ وسهل
هتدرسو عظام واعصاب وعضلات وعقد ليمفاوية وشرايين واوردة
بتاعت الطرف العلوي


وهكذا ال lower limb يعني الارجل -فخذ+قدم+ساق-

وهكذا ال thorax يعني منطقة الصدر بما فيها القلب
والرئتين وحاجات تانية - من اعصاب وعظام زي الضلوع والفقرات وعضلات زي
الحجاب الحاجز و.......



بالنسبه للمزاكرة

من كتاب القسم او ورق د- عباس او ورق د-اسامة


هتعرفو تحددو كويس لما تبدأو
متستعجلوش خالص

طريقة المزاكرة
بتكون بالصور وازاي توصف الصور دي بكل بساطة من خلال تخيلك وفهمك



بالنسبة للعملي

بيكون في المشرحة
بالبالطو والجوانتي gloves

........

ده قاموس لابسط المصطلحات الطبية
-ياريت تعرفوه-

بسيط جدا
اتفضلو
[ندعوك للتسجيل في المنتدى أو التعريف بنفسك لمعاينة هذا الرابط]


ودي سلايدات عن ال introduction
اتفضلو
[ندعوك للتسجيل في المنتدى أو التعريف بنفسك لمعاينة هذا الرابط]






ياريت اكون قدرت اوصلكو فكره عامة عن
الاناتومي ببساطة

واي استفسارات واسئلة
اتفضلو اسألو.......


. . UTHAMA . .
مـشــرف عــام
مـشــرف عــام

عدد المشاركات : 1192
تاريخ التسجيل : 01/07/2010
المود :


http://www.shamsology.net

الرجوع الى أعلى الصفحة اذهب الى الأسفل

رد: تمهيدا للأناتومي

مُساهمة من طرف Abotreka في الأربعاء يوليو 14, 2010 5:51 pm

بس انا مش فاكر ان لبست جوانتي ف المشرحة
عالطبيعة كل شيء أحلى

Abotreka
مــراقـب عــام
مــراقـب عــام

عدد المشاركات : 8531
البلد : في الشقة اللي قصاد جيرانا
تاريخ التسجيل : 01/07/2010
المود :


الرجوع الى أعلى الصفحة اذهب الى الأسفل

رد: تمهيدا للأناتومي

مُساهمة من طرف rewzaky في الأربعاء يوليو 14, 2010 6:24 pm

الله عليك يا اومس..
من يومك وانت جامد ..
جزاكم الله خيرا ..

rewzaky
شمسولوجي لسة بنوره
شمسولوجي لسة بنوره

عدد المشاركات : 34
تاريخ التسجيل : 14/07/2010


الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى